EU-FINANZPAK Budgetssträit: Et steet 3 zu 24

An der EU sinn 1,8 Billiounen Euro blockéiert: den europäesche Budget an den Anti-Krise-Fonds. Ungarn a Polen hunn ee Veto ageluecht, si gi mëttlerweil vu Slowenien ënnerstëtzt. Wéi eng Méiglechkeete gëtt et fir een Auswee ze fannen? Dorop kucke mir mat eiser EU-Korrespondentin Danièle Weber.

Danièle Weber (Bréissel) / cbi

Danièle Weber
D'Danièle Weber ass EU-Korrespondentin vum radio 100,7. Foto: Archiv

Op der Videokonferenz vun den EU-Staats- a Regierungscheffen um Donneschdeg den Owend sollt eigentlech de Point gemaach ginn iwwer d'Corona-Pandemie. Wéinst der aktueller Situatioun gouf dunn awer och iwwer de Budget geschwat.

Deen Austausch iwwer de Sujet huet net emol eng hallef Stonn gedauert. An, wéi erwaart, koum et do net zum Duerchbroch.

Ungarn a Polen haten e Méindeg ee Veto ageluecht, well si net mat engem neie Mechanismus d'Accord sinn, deen am Kader vum Budget géif a Kraaft trieden. Et geet drëm, d'Ausbezuele vun EU-Suen un d'Konditioun ze knäppen, datt d'Reegele vum Rechtsstaat respektéiert ginn. Slowenien ënnerstëtzt dee Veto.

Déi grouss Majoritéit vun de Länner stéing awer nach ëmmer hanner deem, wat d'Memberlänner mam Europaparlament ausgehandelt hunn, sot gëschter Owend de Rotspresident Charles Michel.

Et géif een d'Situatioun eescht huelen an et wier ee sech bewosst, datt elo séier eng Léisung muss fonnt ginn. Wéi kann déi Léisung ausgesinn? A wat sinn d'Argumenter vun Ungarn a Polen?

Lauschtert d'Gespréich mat eiser EU-Korrespondentin Danièle Weber, an Zesummenaarbecht mat Euranet Plus, dem gréissten europäesche Radio-Reseau fir EU-Aktualitéit.

An der Mediathéik:

Europa Aktuell / / Danièle Weber
Lauschteren

Méi zum Thema

Valérie Hayer
EUROPA-INTERVIEW

Ungarn a Polen droen domat, den EU-Budget ze blockéieren. Dat géif den Accord mam Europaparlament awer net a Fro stellen, seet d'Valérie Hayer, Europadeputéiert vu La République en marche.

Europaparlament
NOM EU-SOMMET

Fir datt den EU-Budget a Kraaft triede kann, muss d'Europaparlament säin Accord ginn. Ob dat geschitt, ass awer nach guer net sécher. D'Lëtzebuerger Europadeputéiert sinn éischter skeptesch.

Programm

Net verpassen

  • Am Gespréich: Marc Angel a Samuel Hamen

    Marc Angel, Samuel Hamen

    Zwou Generatioune vu Kënschtler hu sech zesummegedoen, fir eng originell hybrid Form ze schafen.

    Mir ënnerhalen eis mam Zeechner a Schrëftsteller an der Woch vum 23.11. méindes bis freides um 12:40 a sonndes um 10:10

Dossieren

  • CinEast-Festival 2020

    De CinEast-Festival weist eng Selektioun vu mëttel- an osteuropäesche Filmer. Déi 13. Editioun ass wéinst der Covid-Pandemie eng hybrid: d'Filmer gi souwuel um groussen Ecran wéi och online gewisen.

  • AutorInne-Lies

    D'Publikatioun PM 19 10 huet d'Valerija Berdi inspiréiert fir déi akustesch Athmospär fir d'Buch ze liwweren. Hatt huet sech dofir op de Wee gemaacht an eng ganz Rei Andréck bei Autorinnen an Auteuren doheem akustesch agefaangen.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen