Bodry: Referendumsfro iwwert Finanzéierung vu Geeschtleche kéint ënner Ëmstänn ewech falen

Wann et en Accord tëscht der Regierung an de Glawensgemeinschafte gëtt fir eng Reform vum Finanzement vun de Culten, da kéint déi entspriechend Fro am Verfassungsreferendum fale gelooss ginn, sou den LSAP-Fraktiounschef Alex Bodry an eisem Owespanorama. Viraussetzung wier, datt et an der Chamber déi néideg Zwee-Drëttel-Majoritéit fir dës Verfassungs-Ännerung gëtt – dat heescht d’CSV misst hier Positioun änneren.

Virun enger Woch hat den Alex Bodry an engem RTL-Interview nach vun enger méiglecher Ëmformuléierung geschwat, mee ausgeschloss, dass déi Fro gestrach gëtt.

Wéint der Kritik vum Staatsrot un den deels onpräzise Referendumsfroen, wéilt d’Chamber eenzel, reng kosmetesch, Ännerungen un de Formulatioune maachen. Um Fong vun de Froen soll sech awer näischt änneren, sou den Alex Bodry.

Den LSAP-Fraktiounschef am Interview mam Pia Oppel:

 

Net verpassen

Programm

Dossieren

  • Klimakonferenz zu Glasgow

    Déi gréissten Weltklimakonferenz zanter Paräis fënnt tëscht dem 31. Oktober an 12. November zu Glasgow statt. Fir eis op der Plaz ass eise Korrespondent Philip Crowther.

  • Verfassungsreform

    D'Verfassung vun 1868 soll duerch eng nei Verfassung ersat ginn. 2009 gouf dëse Reformprozess formell lancéiert an nach ass d'Aarbecht net ofgeschloss. Et ass nach e Referendum iwwer den neien Text geplangt.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen