Bodry (LSAP): nei Verfassung réischt 2017

D'Aarbechten iwwert eng nei Verfassung sinn an der zoustänneger Chamberkommissioun ofgeschloss. Dat sot ons de President vun der Chamber Institutiounskommissioun Alex Bodry. D'Kommissioun huet de Moien d'entspriechend proposition de révision ugeholl. Den LSAP-Fraktiounschef seet hie géing sech elo op d'Diskussioune mat der Ëffentlechkeet an de nächste Méint freeën.

Nächst Etappe ass elo de consultative Referendum de 7. Juni, mat den 3 Froen iwwert d'Auslännerwahlrecht ënner bestëmmte Konditiounen, iwwert d'Wahlrecht vu 16 Joer un, an iwwert d'Limite vun 2 Mandater fir Ministeren.

Den Alex Bodry geet dovunner aus, datt d'Chamber réischt 2017 eng éischte Kéier iwwert déi nei Verfassung kann ofstëmmen, ier d'Bierger an engem zweete Referendum "Jo" oder "Nee" wäerte soen. Den definitive Referendum kéint gläichzäiteg wéi d'Gemengewahlen am Oktober 2017 organiséiert ginn.

Déi nei Verfassung ersetzt déi vun 1868, mam Zil d'Grondgesetz ze moderniséieren.

De Bäitrag vum Carole Schimmer:

 

Net verpassen

Programm

  • Noriichten

  • On air

    Resonanzen

  • Am Nomëtteg vun 3 bis 6

  • Panorama

  • Tockcity

Dossieren

  • Klimakonferenz zu Glasgow

    Déi gréissten Weltklimakonferenz zanter Paräis fënnt tëscht dem 31. Oktober an 12. November zu Glasgow statt. Fir eis op der Plaz ass eise Korrespondent Philip Crowther.

  • Verfassungsreform

    D'Verfassung vun 1868 soll duerch eng nei Verfassung ersat ginn. 2009 gouf dëse Reformprozess formell lancéiert an nach ass d'Aarbecht net ofgeschloss. Et ass nach e Referendum iwwer den neien Text geplangt.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen