Bail Commercial: Kritik vum Françoise Hetto (CSV)
Bei der geplangter Reform vum Bail Commercial vermësst d’Françoise Hetto e wesentlecht Kärstéck fir de Schutz vum Locataire. D’CSV-Deputéiert hat e verrëschte Gesetzesprojet als fréier Ministesch selwer deposéiert. De neien Text, deen d’LSAP-Staatssekretärin Francine Closener ugangs der Woch virgestallt huet, géing d’minimal Dauer vum Bail op dräi Joer setze géint néng Joer an der éischter Virlag. Fir de Rescht géing d’Francine Closener déi meescht Punkten aus dem éischten Text iwwerhuelen.
D’CSV-Deputéiert Françoise Hetto huet donieft erkläert, datt den Affekot a President vun der “Union des propriétaires” de Me Georges Krieger hire Gesetzesprojet am Hierscht 2013 geschriwwen hat. Den Haaptintresséierten huet ons dat op Nofro hi confirméiert, mat der Präzisioun, datt hien deemools d’Initiativ vum Gesetzesprojet geholl hat. En Interessekonflikt gouf et do net, esou d’Françoise Hetto. De Me Krieger hätt deemools souwuel de Point de vue vun de Proprietairen, wéi dee vun de Locatairen an den Text erabruecht.
De Bäitrag vum Michel Delage:
