Auslännerwahlrecht: Serge Kollwelter kritiséiert Regierung
De Serge Kollwelter fäert, datt e Referendum iwwer d’Auslännerwahlrecht an d’Box geet. De fréiere President vun der Auslännerassociatioun ASTI sot an eisem Mëttespanorama, d’Sondage géife ganz kloer weisen, datt d’Akkzeptanz vum Auslännerwahlrecht ëmmer méi ofhëlt. Donieft kritiséiert de Serge Kollwelter, datt d’Regierungsparteien net hannert der Iddi stinn. Déi, déi am Referendum d’Fro stelle, musse selwer eng Meenung hunn, esou de fréieren ASTI-President. Et géif iwwer d’Jore wuel em Ëmdenken an der Gesellschaft ginn, mä déi Entwécklung bréicht Zäit. Besser wéi e konsultative Referendum wier et, an der neier Verfassung d’Méiglechkeet virzegesi fir d’Auslännerwahlrecht via Gesetz anzeféieren. Datt d’CSV zejoert domat averstan war, déi Positioun awer revidéiert huet, bedauert de Serge Kollwelter.
Den Interview vum Jean-Claude Franck mam Serge Kollwelter:
[audio mp3="http://www.100komma7.lu/emissions/wp-content/uploads/jcf-itv-kollwelter.mp3">][/audio]
