Covid-19-Gesetz Ännerunge bei Isolement a Quarantän

Persounen, déi positiv op de Coronavirus getest ginn, sollen an Zukunft nëmmen nach fir zéng Deeg isoléiert ginn, ouni Renouvellement vum Isolement. Persounen ënner Quarantän sollen eréischt vum sechsten Dag no hirem Kontakt mat engem Infizéierte getest ginn.

Serge Kesseler / cbi

Regierungsrot
De Regierungsrot huet Ännerungen um Covid-19-Gesetz ugeholl. Foto: SIP / Jean-Christophe Verhaegen (Archiv)

De Bäitrag vum Serge Kesseler lauschteren


Déi geplangte Changementer huet de Regierungsrot haut guttgeheescht: si sollen en Dënschdeg an der Chamber gestëmmt ginn, an dat am Kader vun der geplangter Verlängerung an Upassung vun de Corona-Mesurë bis d'Enn vum Joer.

D'Gesondheetsministerin Paulette Lenert hat gëschter an der Gesondheetskommissioun an der Chamber ugekënnegt, datt d'Regierung op Basis vun de leschten Analysen an Etüde wéilt decidéieren, ob et Ännerunge bei der Quarantän an dem Isolement ginn.

Zwou Ännerungen

Haut huet d'Regierung zwou Ännerunge guttgeheescht.

  • Den Zäitraum vum Isolement vun infizéierte Persoune soll vu 14 op zéng Deeg reduzéiert ginn: dat op Basis vun den aktuelle Recommandatioune vun der Weltgesondheetsorganisatioun, wéi d'Regierung an engem Communiqué schreift.
  • Bei Persounen, déi een héije Risiko vun enger Infektioun hunn an ënner Quarantän stinn, soll an Zukunft eréischt nom sechsten Dag een Test gemaach ginn, an net wéi de Moment nom fënneften Dag nom leschte Kontakt mat enger infizéierter Persoun. Op Basis vu rezente wëssenschaftlechen Etüde wier dat recommandéiert, esou d'Regierung.

Mat de proposéierte Changementer a Form vu Regierungsamendementer wäerte sech elo de Staatsrot an d'Gesondheetskommissioun an der Chamber beschäftegen.

Méi zum Thema

Illustratiun Rechter Coronavirus COVID-10
Gesellschaft

Och nodeems den Etat de crise spéitstens de 24. Juni ausleeft, sollen eng Réi vun de sanitäre Mesurë bestoe bléiwen. Dat fir wéinstens ee weidere Mount. Esou gesinn et zwee Gesetzesprojete vir.

Net verpassen

  • Nei Museksemissiounen

    Bigstock / real_content

    Al Schanken: Freides, 21:00

    Mat Groove a Séil: Samschdes, 19:00

    Palatino FM: Samschdes, 21:00

Dossieren

  • AutorInne-Lies

    D'Publikatioun PM 19 10 huet d'Valerija Berdi inspiréiert fir déi akustesch Athmospär fir d'Buch ze liwweren. Hatt huet sech dofir op de Wee gemaacht an eng ganz Rei Andréck bei Autorinnen an Auteuren doheem akustesch agefaangen.

  • #beethoven20

    De Jean Muller gëtt an 32 Episoden en déiwen Abléck an de Kosmos vum Ludwig van Beethoven senge Pianossonaten.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen