De Claude Haagen hofft, datt dës Prozedure séier ofgeschloss sinn. Esouwuel d'CNS, ewéi d'Psychotherapeute missten elo mat dem Tarif liewen, seet de Claude Haagen:
"Ech gesinn elo net, datt hei deen ee méi favoriséiert gi wier, wéi den aneren. Hei ass eng Decisioun - déi kann een ëmmer diskutéieren, dat ass richteg. Mee ech mengen d'Diskussiounen hunn elo no siwe Joer en Enn, an dat ass den Tarif!"
Um Montant vum Remboursement wéilt hien näischt méi änneren, betount de Sozialminister: 144 Euro wiere säi lescht Wuert.
"Ech gesinn och net, wat et do anescht ze verhandele gëtt. Wann den Tarif da bis en application ass, da kann d'Fapsylux natierlech Renegociatiounen uféieren, wéi dat am Code vun der Sécurité Sociale virgesinn ass."
Déi Diskussioune misst d'Federatioun vun de Psychotherapeuten dann awer nees mat der CNS féieren, esou de Claude Haagen.
