Coronavirus Deloyal Konkurrenz?

A verschiddene Supermarchéen a Grande Surfacë kann een, nieft Liewensmëttel, och nach aner Produite kafen. Dat suergt fir Diskussioune bei méi klengen Net-Alimentatiouns-Commercen, déi hu missen zoumaachen, an déi mengen, dat wier eng deloyal Konkurrenz.

Pierre Reylamd / cz

Supermarché
Foto: Bigstock / aome1812

De Bäitrag vum Pierre Reyland lauschteren


Beim Stater Geschäftsverband seet de President Guill Kaempff:

"Net méi spéit wéi gëschter hat ech zwee vun eise Memberen, déi sech bei mir beschwéiert hunn, datt si hu missen zoumaachen am Stadkär, an op der grénger Wiss wieren der nach, déi déi selwecht Produite wéi si nach kéinte verkafen, an datt dat net grad equitabel wier."

De Stater Geschäftsverband fuerdert dofir, datt sech déi betraffe Geschäfter op de Verkaf vu Liewensmëttel beschränke géifen.

Mee dat wier schwéier ze geréieren, seet den Direkter vun der Handelskonfederatioun Nicolas Henckes. Net-Alimentatiouns-Rayonen a verschiddene Supermarchéë wieren "effektiv technesch op, well ee se technesch ganz schwéier kann zoumaachen an deene Geschäfter".

D'Handelskonfederatioun hätt d'Federatioun fir Alimentatioun an Distributioun op déi Situatioun higewisen. D'Grande Surfacë géifen sech an der der aktueller Kris mat alle Mëttel op de Stockage an de Liewensmëttel-Rayone konzentréieren, sou nach de Nicolas Henckes. D'Hamsterkeef hätte si bis elo gutt iwwerbréckt kritt.

Programm

Net verpassen

  • 23.1. Riicht eraus mat der Blanche Weber

    Blanche Weber

    Nieft der aktueller sanitärer Kris ginn et aner Krisen, déi d'Liewen op dësem Planéit veränneren a weider verännere wäerten: De Klimawandel an d'Aartestierwen. Och Ëmweltschützer bréngen et net fäerdeg, e séiert Ëmdenken ze bewierken. Firwat? Ënner anerem doriwwer schwätze mer mat der Mouveco-Presidentin.

Dossieren

  • CinEast-Festival 2020

    De CinEast-Festival weist eng Selektioun vu mëttel- an osteuropäesche Filmer. Déi 13. Editioun ass wéinst der Covid-Pandemie eng hybrid: d'Filmer gi souwuel um groussen Ecran wéi och online gewisen.

  • AutorInne-Lies

    D'Publikatioun PM 19 10 huet d'Valerija Berdi inspiréiert fir déi akustesch Athmospär fir d'Buch ze liwweren. Hatt huet sech dofir op de Wee gemaacht an eng ganz Rei Andréck bei Autorinnen an Auteuren doheem akustesch agefaangen.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen